Sarkata Ka Shraap Kabristan Ki Woh Dastaan Jo Kabhi Khatm Nahi Hoti

Kuch kahaniyan sirf darati nahi… balki yaad banke zindagi bhar saath reh jaati hain. Mera naam Raaj hai, aur jo main aaj aapko batane jaa raha hoon, wo sirf ek kahani nahi... wo meri zindagi ka woh hissa hai jo main kabhi bhool nahi sakta. Yeh baat kuch saal pehle ki hai, jab main apne doston ke saath apne gaon ke paas wale ek purane kabristan ke baare mein documentary banana chah raha tha.hum ne gaon walon se uske baare mein thoda sa poocha but.hum ne yeh baat notice ki gaon wale us jagah ke baare mein baat karte hue bhi ghabra rahe the. Kehte the ki wahan ek "sarkata" ki rooh bhatakti hai — ek aisi atma jo bina sir ke kabristan mein ghoomti hai, aur jo bhi usse dekhta hai, woh hamesha ke liye apna dimaagi santulan kho deta tha. Humne un kahaniyon ko sirf afwaah samajh kar ignore kiya, aur raat ke andhere mein camera uthake nikal pade. Raat ke 1 baje hum kabristan pahunch gaye. Mausam achanak thanda ho gaya tha, hawa mein ajeeb si sardhi thi, jaise koi hume dekh raha ho. Kabristan ke andar ek purana, toota-foota maqbara tha. Darwaza apne aap hil raha tha, bina kisi hawa ke. Maine apna camera on kiya aur record karna shuru kiya. Tabhi ek ajeeb si awaaz aayi… jaise koi rassi kheench raha ho… ya koi cheekh chhupane ki koshish kar raha ho. Mere dost Aryan ne kaha, “Chal yaar andar chalte hain… yeh sab kuch nahi hota.” Lekin mere dil mein kuch ajeeb si bechaini thi. Jese koi mujhe rokna chah raha ho, keh raha ho, "Yahan se laut ja." Lekin hum akhir kaar andar chale hi gaye. Jab hum maqbara ke andar gaye, to andar ka mahol kuch alag hi tha. Ghar ke andar kuch purane kapde pade the, jinpe khoon ke dhabbey the. Diwaron par kuch likha tha, lekin wo bhasha mujhe samajh nahi aayi. Tabhi Aryan ne camera ki torch ek kone mein daali, aur hum dono ki saanse ruk gayi. Wahan ek aadmi ka jism pada tha... bina sir ke. Aur tabhi — peeche se ek cheekh! aaye Aryan ne mujhe dekha, maine usse... lekin wahan koi aur bhi tha. Humne peeche dekha… aur hume sirf ek saaya dikha, lekin uska chehra nahi tha… balki chehra tha hi nahi. Woh sarkata tha. Woh hume dekh raha tha... ya keh lo bina aankhon ke mehsoos kar raha tha. Uski gardan se khoon beh raha tha, lekin usmein dard nahi tha... sirf gussa. Jaise humne uski neend tod di ho. Jaise humne uski maut ki beizzati ki ho. Aryan ne bhaagne ki koshish ki, lekin darwaza band ho gaya tha. Har taraf se sirf ek hi awaaz aane lagi — “Mera sir… mera sir… wapas do…” Main dar ke maare jam gaya tha. Mere haath mein camera tha, lekin main usse chalu nahi kar pa raha tha. Sarkata ne apni ungli se maqbara ki zameen par kuch likhna shuru kiya — “Khoon se likhi kahani kabhi mit’ti nahi…” Aryan ka cheekhna band ho gaya tha. Jab maine uski taraf dekha, uske chehre par wohi horror tha jo maine kabhi tasveeron mein dekha tha. Uski aankhein safed ho chuki thi, aur uska muh khula tha — bilkul silent scream jaisa. Main behosh ho gaya. Jab meri aankhen khuli, to main apne ghar ke bistar par tha. Mere kapde geele the, pairon mein mitti lagi thi, aur camera gayab tha. Jab main uth kar bahar gaya, to gaon ke log mujhe ajeeb nazaron se dekh rahe the. Aryan kabhi wapas nahi aaya. Uska kuch pata nahi chala. Tab se har ek nayi amavasya ki raat, mujhe sapne mein woh maqbara dikhai deta hai… aur ek awaaz aati hai — “Mera sir... mera sir...” Main is kahani ko isliye bata raha hoon… kyunki kuch roohen sirf shaanti nahi chahti. Kuch roohen sirf intezaar kar rahi hoti hain… ek galti ka… ek kadam ka… taaki woh phir se zinda mehsoos kar sakein. Agar aap kabhi kisi purane kabristan ke paas se guzrein, aur aapko bina chehre ka ek saaya dikhe... to sirf bhaag mat jaana… kyunki kabhi kabhi darr sirf dekhne mein nahi, mehsoos karne mein hota hai. Aur sarkata... wo ab bhi intezaar mein hai... us sir ka… jisme uska gussa tha... aur uska badla bhi. Kaise lagi aapk yeh story?